Kevin Lee ба Chris McCann -ны ярилцлага
Kevin Lee (@kevin_lee_QED) нь Didit гэх компаний үүсгэн байгуулагчдын нэг мөн гүйцэтгэх захирал нь юм. Тэрээр өөрийн Marketing Obsession блогоороо дамжуулан олон арван компаний захирал, лидер, мөн маркетеруудтай уулзаж, сонирхолтой ярилцлага хийдэг нэгэн. Түүний энэ удаагийн зочин нь Chris McCann гэх 1-800-Flowers.com компаний захирал байлаа.
Kevin: 2009 онд маркетингийн албаны дарга нар болон мэргэжилтнүүдийн гаргасан гурван том алдаа юу байсан бэ? Тэд магад 2010 онд дахин алдаагаа давтаж мэднэ:
Chris: Дүгнэлт:
- Интернэтийн орчинд хэрэглэгчид хоорондын өрнөж буй харилцаанд анхаарах, олон нийттэй харилцах мэдээ, мэдээлэлийн сүлжээ вэб хуудсуудыг ашиглах, мөн тэдгээрт шилжин орох үйл явц нь удаан байсан нь алдаа.
- Шинэ мэдээлэл, харилцаа, техник технологийн хэрэгсэл гэж хэлж болох олон нийттэй харилцах мэдээ, мэдээлэлийн сүлжээ вэб хуудсуудыг даруй мөнгө олох зорилгоор ашиглаж байсан нь мөн байгаа нь бас алдаа.
- Олон нийттэй харилцах мэдээ, мэдээлэлийн сүлжээ вэб хуудсуудад хэрэглэгч нартаа үйлчлэх, тэднийг сонсох, тэдний гомдлыг барагдуулах мөн тэдэнд хэрэгтэй мэдээлэл хүргэх үүднээс ашиглах хэрэгтэй. Даруй мөнгө олох зорилгоор ашиглаж өөрсдийн брэнд, бараа бүтээгдэхүүн, үйлчилгээгээ сурталчилхаас өмнө хэрэглэгч нартайгаа харилц, тэднийг сонс, мөн тэднээс суралцах хэрэгтэй.
Kevin: Олон нийттэй харилцах мэдээ, мэдээлэлийн сүлжээ вэб хуудсууд ашиглах явцад ямар алдаа дутагдал мөн ололт амжилт гаргасан бэ?
Chris: Дүгнэлт:
- Бид ямагт шинэ төрлийн маркетинг, зар сурталчилгаа, мөн харилцаа холбооны техник технологийг өөрсдийн үйл ажиллагаандаа ашиглаж ирсэн. Бид хэрэглэгч нараа бидний шинээр ашиглаж буй техник, технологийн хэрэгслүүдэд ингэнэ тэгнэ гэж цааргалзаж цаг алдалгүй өөрчлөлт шинэчлэлтэд зэрэгцэн алхаж, хэрэглэгч нараа сонсож, мөн тэднээс суралцаж чадсан нь ололттой талуудын нэг.
- Ялангуяа олон нийттэй харицлах сүлжээ вэб хуудсуудад цаг алдалгүй орж олон шинэ зүйлсийг туршиж хэрэгжүүлж чадсан нь хэрэглэгч нарын худалдан авах зан чанар ихээр нөлөөлсөн гэж боддог. Мөн бид хэрэглэгч нараас олон шинэ зүйлсийг сурч, мэдэж чадсан.
- Зарим талаараа олон нийттэй харилцах сүлжээ вэб хуудсуудыг туршиж үзэх мөн бусад техник технологийн хэрэгслүүдийг ашиглах нь надад 1992-1997 онуудын хооронд хэрэглэгч нарыг танин мэдэх, тэднийг татах гэж уйгагүй шинийг туршиж байсан үеийг бодогдуулдаг.
Kevin: Маркетингийн албаны дарга нар болон мэргэжилтнүүд энэ олон төрлийн зар сурталчилгаа болон бусад төрлийн мэдээлэл, техник технологийн хэрэгслүүдийг хэрхэн үнэлэх, улмаар өөрийн компанид цаашид ашиглаж эхлэх эсэхээ шийдэх вэ?
Chris: Дүгнэлт:
- Ямар ч компаний хувьд өөрт тохирох мэдээ, мэдээлэл, зар сурталчилгаа, техник технологийн хэрэгслүүдийг олж, сонгож, ашиглана гэдэг ямагт ярвигтай асуудал байдаг.
- Бидний хувьд хамтран ажиллаж буй байгууллага, хэрэглэгч нарын хэрэгцээнд тохируулан, тэднийг ойлгож ажиллана гэдэг үргэлж урьдаар болгодог ажлуудын нэг байдаг.
- Миний хувьд залуу ажилчдаасаа олон зүйлсийг сурч мэддэг. "Чи хэрхэн амьдардаг вэ?" гэсэн асуултаар тэднийг таньж мэдхийг хичээдэг бөгөөд энэ нь олон төрлийн техник технологийн хэрэгслүүдийн алийг нь урьдал болгон ашиглаж болох санаа өгдөг.
Kevin: Интернэтийн орчинд ашиглагдаж буй зар сурталчилгааны төсөв нь уламжлалт зар сурталчилгаанд зарцуулагдаж буй төсвийг бодвол жил бүр нэмэгдэж байна. Танай байгууллагын хувьд ямар уламжлалт зар сурталчилгааны хэрэгсэл интернэтийн орчинд илүү түлхүү анхаарахад хүргэсэн гэж боддог вэ?
Chris: Дүнэлт:
- Бидний хувьд цагийн үеийн байдлаасаа шалтгаалан аль ч төрлийн зар сурталчилгааны техник, технологийн хэрэгслүүдийг ашигласаар ирсэн.
- Радио ашиглан зар сурталчилгаа явуулах нь зорилтод хэрэглэгч нартаа хүрч байгаа эсэхийг хэмжихэд хэцүү байдаг. Тийм ч учираас энэ тал дээр илүү ихийг мэдэх сонирхолтой байдаг.
- И-майл зар сурталчилгаа ашиглах нь урьд өмнөх жилүүдийг бодвол харьцангуй бага үр ашиг өгч байгааг мэдэрсэн.
- Жишээлхэд: өнгөрөгч баярын өдрүүдээр ашигласан сонингийн зар сурталчилгаа манай компаний хувьд маш их амжилттай хэрэгжиж улмаар олон шинэ хэрэглэгч авчирч чадсан.
- Миний бодлоор уламжлал зар сурталчилгаа цаг үеэ дагаж өөрчлөгдөн шинэчлэгдэхээс ор тас устаж үгүй болно гэж боддоггүй.
Дээрх ярилцлагууд Та бүхэнд таалагдсан гэдэгт итгэлтэй байна. Санал бодлоо чөлөөтэй илэрхийлсэн Танд баярлалаа.
