Маркетерүүдэд сургамжтай

Маркетингийн алба болон менежерүүдийн амжилттай ажиллах үндэс нь юу вэ?

Байнга шинэ хэрэглэгчдийг хайж, тэднийг зар сурталчилгаа, урамшуулал гэх мэт зүйлсээр дамжуулан татаж байх ёстой ч хамгийн чухал зүйлүүдийн нэг бол одоо байгаа хэрэглэгчдийн тоог байнга хадгалж байх явдал юм. Нэг хэрэглэгчийг алдна гэдэг хэдэн арван хэрэглэгчдийг алдахтай адил. Энэ хэнд ч ойлгомжтой биш гэж үү?

Компанийхаа хэмжээнээс үл хамааран хэрэглэгчийн сэтгэл ханамж болон тэдний гомдлыг барагдуулах нь маркетингийн алба болон хэрэглэгчдийн гомдлыг барагдуулах албадуудын нэгдүгээрт тавих ажил байдаг. Мөн хэрэглэгчдийн санал хүсэлт, зөвлөмжийг байнга дагаж, түүнийг нь өөрсдийн бараа бүтээгдэхүүний шинэчлэл болон үйлчилгээндээ байнга тусгаж байх шаардлагатай байдаг. Ингэснээр санал бодол, зөвлөмжөө чин сэтгэлээсээ өөрийн хэрэглэж заншсан компанидаа захидал болгон илгээсэн хэрэглэгч нь саналыг нь хүлээн авсанд баярлаж, хэдийгээр тэдний нэрийг нь дурьдаагүйд ч гомдолгүй улам ч тухайн компанийхаа баттай хэрэглэгч байж чаддаг. Жишээлхэд: Сүүлд уншсан Philip Delves Broughton-ын “Ahead of the curve: Two years at Harvard Business School” номонд нөгөө л алдарт Японы Toyota компаний амжилтийн бас нэгэн жишээ болох “Jidoka” гэсэн үг буюу “...одоо тулгарч байгаа асуудалд хамаг анхаарлаа төвлөрүүлж, үүндээ мөн одоогийн бүх үйлдвэрлэлийн процессийг зогсоосон байх ёстой гэж...” жишээ татсан байсан. Энэ ном хэдийгээр сүүлд хэвлэгдэн гарсан ном байсан ч үнэхээр амжилттай хэрэглэгдэж байсан 60, 70, 80 оны жишээнүүдээс харамгүй дурьдсан байсан.

Хэдхэн хоногийн өмнө харсан нэгэн Твиттер зурвас:

Бодвол МCS компани байх эсвэл MSC ч юмуу сайн мэдэхгүй байна. Энэ мессеж лав надад нөлөөлсөн. Магадгүй бусад хэдэн арван хүнд ч бас нөлөөлсөн байх. Миний өмнөх нийтлэл болох ‘’140 болон түүнээс бага үсэгтэд харилцах маркетер” –д АНУ-ын Comcast болон Zappo брэндүүд Твиттерийг хэрхэн амжилттай ашиглаж хэрэглэгчдийн дуу хоолойг сонсож, тэдний гомдол болон санал хүсэлтийг амжилттай сонсдог талаар дурьдаж байсан. Харин MSC эсвэл MSC компани маань твиттерт хэрэглэгчийн бүртгэлгүй нь харамсалтай.   

Тэгвэл маркетерүүд ямар сувгуудийг ашиглаж хэрэглэгчдийн дуу хоолойг сонсож байх ёстой вэ?

Классик аргууд болох утас, и-майл хаягууд бол байнга нээлттэй л байдаг байх, гэхдээ хэрэглэгч (Та) өөрийн хамгийн ойр байгаа найз, эсвэл өөрт хамгийн энгийн олон нийттэй харилцах сүлжээг (дээрх тохиолдолд Твиттер) ашиглан өөрийн бодлыг илэрхийлнэ. Тэрнээс бид өдөр тутамынхаа амьдралд хэрэглэдэг бүх компаний утас, и-майлийг цээжлээд тэгээд байнга санал бодлоо хэлж байна гэвэл тэрэн шиг мянгуужингийн үлгэр байхгүй байх. Маркетерүүд тэгдэг ч болоосой гэсэн мөрөөдөл нь биз...

Тэхээр хэрэглэгчдийн (бидний) санал бодол, шүүмжлэлийг маркетерүүд өөрсдөө олж сонсох ёстой, чадахгүй бол хохино л болно. Тийм биш гэж үү? Бид хэрэглэгч болохоос тэдний судалгааны материал биш шүү дээ...

Тэхээр маркетерүүд минь оффисдоо дарга нартаа байнга хийсэн ажиллаа power point дээр харуулаад байх биш гарч үнэхээр энгийн жижиг боловч үнэхээр хэрэглэгчидэд хүрч чадах ажил хийцгээе... (Ядаж л твиттерийн хэрэглэгч нээцгээе)