Түлхэх болон татах маркетингийн арга
Та бүхэнд энэ өдрийн мэндийг хүргэе, миний блогоор саатаж байгаад юуны түрүүнд баярлалаа. Та миний блог RSS-ыг энд дарж авна уу.
Түлхэх маркетингийн арга гэж юу вэ?
Энэ нь маркетерүүдийн хэрэглэж заншсан хэрэглэгчдийг хүсээгүй үед нь хүчээр өөрсдийн зар сурталчилгааг хүртээл болгох арга юм. Жишээлбэл: Таныг дуртай радио, телевизийн хөтөлбөр, эсвэл кино үзэж байх үед, эсвэл гэр болон ажил дээрээ таныг завгүй байх үед, утасаар, мөн сонин хэвлэл тэрч байтугай таны хувийн и-майл хаягруу өөрсдийг зар сурталчилгааг таны зөвшөөрөлгүйгээр бараа бүтээгдэхүүн, үйлчилгээгээ сурталчилж байгаа маркетингийн арга юм. Гэхдээ ихэнх хэрэглэгчид ийм төрлийн зар сурталчлгаанаас хэрхэн татгалзахаа мэддэг бөгөөд энэ нь тухайн байгууллагад ямарч үр дүнгүй зардал болон хувирдаг.
Харин татах маркетингийн арга гэж юу вэ?
Энэ нь тухайн хэрэглэгч өөрийн хэрэглэж заншсан дурын нэр төрлийн бараа бүтээгдэхүүн, үйлчилгээг өөрийн хүссэн үед интернэтийн орчинд хайхад маркетерүүдийн сурталчилах дуртай бараа бүтээгдэхүүн, үйлчилгээ, мөн зар сурталчилгаа зэрэг нь тэдний вэб хуудас, блог, мөн олон нийттэй харилцах мэдээ, мэдээлэлийн сүлжээ (social media) хаягуудаар дамжин холбогдож, улмаар тухайн хэрэглэгчдийг эцсийн худалдан авагч болгон хувиргаж чадах энэхүү маркетингийн цогц арга юм.
Иймд маркетерүүд хэрэглэж заншсан түлхэх маркетингийн арга буюу өндөр зардалаар бүтдэг, хэрэглэгчдийг үймүүлж өөрсдийн бараа бүтээгдэхүүн, үйлчилгээгээ хүргэх гэж оролдож буй уламжлалт маркетингийн арга, аргачлалаас бага багаар салж харин тэднийг аль болох татах маркетингийн арга ашиглан өөрсдийн бараа бүтээгдэхүүн, үйлчилгээгээ хүргэх хэрэгтэй.
Үүнд: хэрэглэгчрүү болох болохгүй цагаар нь утасаар ярихаа багасага, и-майл маркетинг явуулдаг хуучимсаг байдлаасаа боль, мөн хүртээл болж байгаа үгүй нь мэдэгдэхгүй, хэрэгтэй хэрэггүй зурагтааар зар сурталчилгаа явуулахаа багасга гэсэн үг юм. Учир нь таны хийгээд байгаа ажил үнэхээр хэрэглэгчидэд хүрч чадаж байна гэж үү? Үгүй ээ, хэрвээ тийм байсан бол танай компани аль хэдийнээ зах зээлийн 60-аас дээш хувийн хэрэглэгчдийг өөртөө татсан булиа компаниудын нэг байх байсан болою уу. Мөн сар болгон ажиллын дүгнэлтэд тэр маркетингийн хэлтэс яг юу хийгээд байна гэж байнга чигчлүүлэх тийм сайхан гэж үү? Ингэж маркетэрүүд ажилаа цалгардуулж өдрийг барж суусанаас гудамжинд алаг эрээн хувцас өмсөж, хэний ч санаанд ороогүй байх тэр тэнэг ч гэж хэлж болох, гэсэн мөртөө үр өгөөж нь хавь илүү, бодит, хэрэглэгчдийн худалдан авалтад нөлөөлж чадахуйц ажиллыг сэтгэж, хийх хэрэгтэй юм.
Магадгүй өнөөдөр дурын нэг маркетераас тэдний компаний хийсэн хамгийн том борлуулалт нь хэзээ байсан талаар мөн өөрсдийн хэрэглэгчдийг хэрхэн татаж байгаа маркетингийн арга, аргачлалын талаар сонирхвол магадгүй ихэнх нь хаа нэгтээгээ оролцсон үзсэглэн худалдаа, эсвэл хэдэн зуун хэрэглэгчрүү явуулсан спам (spam) и-майл зар сурталчилгаа, аль эсвэл нөгөөл зурагтын хямдралын зар сурталчилгаа байсаан гэх биз. Энэ бол маркетэрүүд бие биесээ дуурайж, яг л нэг дагаж мөрдөөд хйих ёстой хууль нь болсон арга аргачлал мэт даган хийдэг ажлын нэг нь юм. Тэд энэхүү хэрэглэгчдийг өөрсдөөсөө түлхэж байгаа хэнд? хаана? хандаад байгаа нь мэдэгдэхгүй, ойлгомжгүй түлхэх маркетингийн арга ашиглаж байгаа нь тэдний хэрэглэгчдээс нь өдрөөс өдөрт салгаж байгааг мэддэг болов уу?
Харин хэрэглэгчдийн нүдээр харж, чихээр сонсоход тэд өдөрт хэнд, хаана, юунд хандаад байгаа нь мэдэгдэхгүй хэдэн зуун мянган мэдээ, мэдээлэл, зар сурталчилгаа хүлээн авч байгаа. Тэд юу гэж боддог талаар таагаад хэлвэл “хэрхэн энэ хэрэггүй мэдээлэл бай болж байгаагаас зайлхийх вэ” л гэж болов уу.
Өнөөгийн хэрэглэгчид өөрт хэрэгтэй мэдээлэл, бараа бүтээгдэхүүн, үйлчилгээг олж авахын тулд тэд өөрсдийн найз нөхөд, танил тал, мөн интернэтийн орчноос төвөггүй хүлээн авч байна. Мөн худалдан авалт хийхээсээ өмнө тухайн бараа бүтээгдэхүүн, үйлчилгээнд үлдээсэн бусад хэрэглэгчдийн сэтгэгдэл, санал бодол зэргийг харьцуулан үзэж, улмаар худалдан авалт хийх эсэхээс шийдэж байна. Тэхээр маркетер таны хийх дараагийн нэг том алхам бол өөрийн компаний вэб хуудсыг хэрэглэгчдэд ойлгомжтой, хүртээмжтэй, интернэтийн хайлтын системд амар өртөхүйц вэб хуудастай болох мөн блог бичиж болон олон нийттэй харилцах мэдээ, мэдэлэлийн вэб хуудсуудад хэрэглэгчийн эрх нээ гэж зөвөлмөөр байна.
Маркетер Та уламжлалт маркетингийн арга, аргачлалаасаа татгалзаж татах маркетингийн арга ашиглаж эхлэх үү? Таны бодлоор Монгол хэрэглэгчдэд болон бизнесийн байгууллагуудад татах маркетингийн арга үйлчлэх үү?
