Зар сурталчилгаа маш их нөлөөлж болох уу?
Зар сурталчилгааны нийтлэг зорилго бол бараа, бүтээгдэхүүн, үйлчилгээгээ олон хүнд хүргэх. Олон хүнд хүргэх олон хувилбарууд байдаг: их мөнгө төлж их хүнд хүргэх аль эсвэл бага мөнгө төлж их хүнд хүргэх. Бага мөнгө төлж олон хүнд хүргэхийн тулд ямар ч хүн өөрийн эрхгүй дуу алдам, ургаш гүйлгэн дахин үзэх, мөн хүмүүс хоорондын жагшин яриулж чадах тийм нэгэн сонирхолтой санаатай байх ёстой. Урьд өмнө нь Та бүхэнд вайрал видио, вайрал маркетинг, мөн вайрал гэх ойлголттой холбоотой мэдээлэлүүдийг хүргэж байсан.
Харин энэ удаа Acne Advertising гэх зар сурталчилгааны компаний хийсэн нэгэн сонирхолтой, маш олон, тиймээ маш олон хүнд хүрч чадсан зар сурталчилгааны үр дүнгийн талаар хүргэж байна:
Дүгнэлт:
Зар сурталчилгаа хэтэрхий олон хүнд нөлөөлж болох уу? гэсэн асуултын хариултыг үзлээ. Зар сурталчилгааны санаа нь оновчтой, өвөрмөц, энгийн, мөн "Энэ том одоо юу вэ?" гэж дуу алдуулах бүтээл болжээ. Тухайн обектийн хажуугаар өнгөрөх хүмүүст дэлхийн байгаль орчинд тулгамдаж буй асуудал болох цаг уурын дулааралтай тэмцэж болох хамгийн энгийн шийдэл ашигласан нь тухайн хүмүүсийг хүн төрлөхтөний гаргасан алдааг эргэн харах, өөрт байгаа боломж, бололцоог ашиглаж цаг уурын дулааралтай тэмцэхийг уриалсан ухаалаг, энгийн, мөн дараа гэрээс гарахдаа машинаа унах уу? автобусаар явах уу? гэж бодол төрүүлж чадах сэтгэлд хоногшсон зар сурталчилгаа болсон байна.
Олон хүнд хүргэх хамгийн хүчтэй боловч хамгийн үнэтэй зар сурталчилгааны хэрэгсэл бол телевизийн суваг. Их мөнгө төлөхгүй телевизийн сувгаар гарах цорын ганц арга бол зар сурталчилгаа нь өөрөө мэдээний түүх болох явдал юм. Ингэж чадвал тухайн мэдээний түүх нь уламжлалт болон бусад бүхий л төрлийн зар сурталчилгааны сувгуудаар өөрөө тархаж чаддаг. Тус зар сурталчилгаа нь энэхүү бичигдээгүй хуулийн нотолгоо юм. Мөн тухайн зар сурталчилгааг илүү үр дүнтэй болгох үүднээс видио камераар тухайн обектийг өнгөрөн гарах машиний тоог бүртгэн, тэдгээрийн байгальд үзүүлэх хор нөлөөлөлийг тухайн зар сурталчилгааний обект болох Coach автобусыг ашиглаж болох байсан үр дүнтэй харьцуулан гаргасан статистик мэдээлэл нь хүмүүст маш энгийн ойлгомжтой байдлаар хүрч чадсан нь тухайн зар сурталчилгааны маш оновчтой шийдлүүдийн нэг байлаа.
Харин Монголын ихэнх маркетерүүдийн хувьд бусдын хийсэн зүйлсээс суралцах гэдэг ойлголт хуулбарлах гэж амьдралд орчуулагдаад байдаг. Бусдаас хуулбарлаагүй, энгийн мөртөө бас онцгой, мөн олон хүнд хүрч чадах зар сурталчилгаа хийхэд бидэнд ямар зүйлс муугаар нөлөөлөөд байна? Таны амьдрал маш ихээр нөлөөлж чадсан Монгол зар сурталчилгаа бий юу? Мөн Таныг бусад "Вайрал маркетинг" болон "Маркетинг" мэдээлэлийн төрөлд нийтлэгдсэн нийтлэлүүдээр зочлоод гарахыг хүсэж байна.
| 
Batzaya Batsaikhan
Sansarbayar Sanduijav
Munkhjin Badamkhatan
batzorig
Javhlan Dashdorj
